ROÐIN ØKISTÆNASTAN SØKIR EFTIR DEILDARLEIÐARA TIL HEIMATÆNASTUNA

Vit sóknast eftir einum dugnaligum deildarleiðara til at leiða og mynda heimatænastuna hjá Roðanum. Heimatænastan fevnir um sjúkrarøkt, heimahjálp og fyribyrgjandi heimavitjanir til eldri borgarar í Nes,- Sjóvar,- og Runavíkar kommunu, sum búgva heima.

Sum deildarleiðari ert tú partur av deildarleiðslutoyminum í Roðanum og hevur tætt samstarv við leiðaran.

ARBEIÐSUPPGÁVURNAR HJÁ DEILDARLEIÐARANUM ERU:
• At ganga á odda í at mynda og lýsa heimatænastuna.
• At seta í verk, samskipa, miðla og leiða heimatænastuna.
• At tryggja trivnað og fakliga menning.
• At miðla og seta í verk verandi og nýggja vitan innan sjúkrarøkt, heimahjálp og fyribyrging.
• At skapa eitt áhugavert arbeiðspláss.
• At samstarva innanhýsis og tvørtur um mørk.
• At hava dagligu ábyrgdina av starvsfólkahópinum.
• At hava ábyrgd av at menna heimatænastuna sum útbúgvingarstað hjá lesandi og næmingum.

FØRLEIKAKRØV:
• Prógv og góðkenning sum sjúkrarøktarfrøðingur.
• Viðkomandi arbeiðsroyndir.
• Dugur at síggja týdningin av tvørfakligum samstarvi.
• Góð samstarvsevni.
• Góð samskiftisevni – bæði skriftliga og munnliga.
• Góð analytisk evni at miðla og seta í verk.
• Forvitin, týðilig/-ur og rúmlig/-ur.
• Gott yvirblikk.
• Megna at halda fast og kunna skera ígjøgnum.
• KT- førleika á brúkarastøði.
• Tola møguligar broytingar í starvinum.

SETANARVIÐURSKIFTI:
Starvið verður at seta 1. januar 2018 ella eftir nærri avtalu og verður lønt sambært KAF/Fíggjarmálaráðnum og Felagnum Føroyskir Sjúkrarøktarfrøðingar.

UMSÓKN:
Umsókn saman við prógvum, góðkenning, og CV skulu sendast til rodin@rodin.fo og viðmerkjast “deildarleiðari til heimatænastuna”. Umsóknarfreistin er 20. november 2017.
Meira fæst at vita um starvið við at venda sær til Jóngerð Guttesen, leiðara tlf. 793300 ella við telduposti til jongerdg@rodin.fo.

MÁLIÐ HJÁ ROÐANUM ER:
Støðugt at menna tænastuna og at ganga á odda, tá ræður um at veita teim, ið tørva, eina fjøltáttaða og dygdargóða tænastu – hetta í góðum samstarvi við brúkaran og avvarðandi hansara.
• At veita eina tænastu sum tekur atlit til tørv, trivnað, fortreytir og sálvsavgerðarrætt hins einstaka og sum eisini ger tað gjørligt, at verða heima longst gjørligt.
• At tænastan, ið vit veita, skal støðugt stuðla uppundir, at tað at búgva í Runavíkar,-Nes- og Sjóvar kommunu er framúr gott og trygt – eisini, tá ein gerst gamal og hevur tørv á ”hjálpandi hondum”

Posted on