Mikudagin 26. mars varð skipað fyri temadegi fyri sjúkrarøktarfrøðingum í Roðanum, Nánd og Norðoya Bú- og Heimatænasu.
Áleið 75 sjúkrarøktarfrøðingar og sjúkrarøktarfrøðilesandi vóru til temadagin í Smæruni í Klaksvík. Evnið var lungasjúkan KOL, har Sámal Jakobsen, yvirlækni, undirvísti. Dagurin eydnaðist væl, og fingu luttakararnir eina góða og breiða vitan um lungnasjúkuna. Undirvíst var millum annað um útgreinan, kanningar, viðgerð, sjúkueyðkenni og annað, sum er viðkomandi fyri sjúkrarøktina, ið verður veitt borgarum við KOL.