previous arrow
next arrow
Slider

Runavíkar -, Nes – og Sjóvar kommuna – hava skipað javnbjóðis samstarv um heimatænastu og eldrarøkt v.m., sum við lóg varð flutt kommununum at umsita tann 1. januar 2015. Roðin umsitir økistænastuna í nevndu kommunum. Avtalan sæst her.

MÁL:
Mál okkara er støðugt at menna tænastuna og at ganga á odda, tá ræður um at veita teim, ið tørva, eina fjøltáttaða og dygdargóða tænastu – hetta í góðum samstarvi við brúkaran og avvarðandi hansara.

Eina tænastu, sum tekur atlit til tørv, trivnað, fortreytir og sjálvsavgerðarrætt hins einstaka og sum eisini ger tað gjørligt, at verða heima longst gjørligt.

Tænastan, ið vit veita, skal støðugt stuðla uppundir, at tað at búgva í Runavíkar- Nes- og Sjóvar kommunu er framúr gott og trygt – eisini, tá ein gerst gamal og hevur tørv á “hjálpandi hondum”!

Tænasturnar eru skipaðar eftir lóg um heimatænastu, eldrarøkt v.m., sum sæst her.
Roðin veitir borgarum við tørvi eina samskipaða heildartænastu. Endamálið við tænastunum er, at: Fyribyrgja sjúku, stimbra sálarliga og likamliga heilsu og trivna borgarans, endurmenna mistan førleika, stimbra møguleika hins einstaka at klára seg sjálvan, veita røkt og umsorgan.

Stýrið fyri Roðan
Tórbjørn Jacosen, formaður
Jóhannus Danielsen, næstformaður
Artur Johansen, stýrislimur
Jóhan Vest, stýrislimur
Kristian Gaardbo, stýrislimur
Selinda í Heiðunum, stýrslimur
Elin á Torkilsheyggi, stýrislimur

Leiðari fyri Roðan
Jóngerð Guttesen

Hvat stendur navnið ROÐIN fyri?

Sambært føroysku orðabókini er “roði” ein reyðligur farri á luftini av rísandi ella setandi sól. Setandi sól kann vakurt ímyndað lívið, ið spakuliga rennur út, meðan roðin, sum prýðir himmalin, ímyndar alt tað vakra, tann eldri hevur við sær á leiðini: Vísdómur, familju, lívsgleði og lívsdygd. Alt hetta kunnu og skulu vit starvsfólk vera við at hjúkla um og stimbra, soleiðis, at hvør einstakur sólarroði verður so vakur sum gjørligt.

KUNNING
19.01.2021

Tað eru framvegis ongar venjingar fyri fólk 67 ár og eldri í Bylgjuni og Høllini á Skála. Tað verður lýst í KVF, tá vit byrja aftur.

12.01.2021

Gunn Olsen er sett sum deildarleiðara á Sjóvarlon. Gunn er búsitandi á Strondum, er sjúkrarøktarfrøðingur og  hevur verið settur deildarleiðari síðani 1. mai 2019 tá Elma fór í farloyvi.

Ingun Gaardbo er sett sum deildarleiðara á Vesturskin. Ingun býr í Runavík, er sjúkrarøktarfrøðingur og hevur drúgvar royndir sum leiðari á Landssjúkrahúsinum, 

14.12.2020

Nú nógvir jólagestir koma úr útlondum, har smittubreiðslan er stór og vaksandi, ræður um, at vit aftur eru umhugsin, vísa ábyrgd og gera sum mest fyri at verja okkara eldru borgarar, fyrst og fremst við at taka tilmælini frá myndugleikunum í størsta álvara.

Almennu tilmælini eru,

13.10.2020

Tá kommunalu fíggjarætlanirnar vórðu lagdar fyri verandi ár – 2020 – samdust tær tríggjar kommunurnar í eldrasamtakinum Roðin um, at seta pening av til umbyggingar á Eysturoyar Røktar- og Ellisheimi í Runavík. Tá bleiv mett, at samlaði kostnaðurin fór at vera á leið 13,7 mió.