April 28, 2017

Vesturskin fær nýggjan deildarleiðara.

Avgerð er tikin um at seta Anniku Tórbjarnardóttir, sjúkrarøktarfrøðing í starvið.

Annika,sum býr í Søldarfirði, er 42 ára gomul. Hon fekk prógv sum sjúkrarøktarfrøðingur í 2000 og hevur starvast m.a. sum deildarleiðari á Landssjúkrahúsinum.

Eisini hevur hon royndir frá starvi á røktarheimi.

Umframt ymiskar skeiðsroyndir hevur hon útbúgving sum kliniskur vegleiðari.

Tey seinastu 10 árini hevur Annika starvast sum ráðgevi í Almannaverkinum.

Annika tekur við starvinum 15. mai 2017