previous arrow
next arrow
Slider

Runavíkar -, Nes – og Sjóvar kommuna – hava skipað javnbjóðis samstarv um heimatænastu og eldrarøkt v.m., sum við lóg varð flutt kommununum at umsita tann 1. januar 2015. Roðin umsitir økistænastuna í nevndu kommunum. Avtalan sæst her.

MÁL:
Mál okkara er støðugt at menna tænastuna og at ganga á odda, tá ræður um at veita teim, ið tørva, eina fjøltáttaða og dygdargóða tænastu – hetta í góðum samstarvi við brúkaran og avvarðandi hansara.

Eina tænastu, sum tekur atlit til tørv, trivnað, fortreytir og sjálvsavgerðarrætt hins einstaka og sum eisini ger tað gjørligt, at verða heima longst gjørligt.

Tænastan, ið vit veita, skal støðugt stuðla uppundir, at tað at búgva í Runavíkar- Nes- og Sjóvar kommunu er framúr gott og trygt – eisini, tá ein gerst gamal og hevur tørv á “hjálpandi hondum”!

Tænasturnar eru skipaðar eftir lóg um heimatænastu, eldrarøkt v.m., sum sæst her.
Roðin veitir borgarum við tørvi eina samskipaða heildartænastu. Endamálið við tænastunum er, at: Fyribyrgja sjúku, stimbra sálarliga og likamliga heilsu og trivna borgarans, endurmenna mistan førleika, stimbra møguleika hins einstaka at klára seg sjálvan, veita røkt og umsorgan.

Stýrið fyri Roðan
Tórbjørn Jacosen, formaður
Jóhannus Danielsen, næstformaður
Artur Johansen, stýrislimur
Jóhan Vest, stýrislimur
Kristian Gaardbo, stýrislimur
Selinda í Heiðunum, stýrslimur
Elin á Torkilsheyggi, stýrislimur

Leiðari fyri Roðan
Jóngerð Guttesen

Hvat stendur navnið ROÐIN fyri?

Sambært føroysku orðabókini er “roði” ein reyðligur farri á luftini av rísandi ella setandi sól. Setandi sól kann vakurt ímyndað lívið, ið spakuliga rennur út, meðan roðin, sum prýðir himmalin, ímyndar alt tað vakra, tann eldri hevur við sær á leiðini: Vísdómur, familju, lívsgleði og lívsdygd. Alt hetta kunnu og skulu vit starvsfólk vera við at hjúkla um og stimbra, soleiðis, at hvør einstakur sólarroði verður so vakur sum gjørligt.

KUNNING
17.03.2020

Um tú ert avvarðandi í  sóttarhaldi heima og tíni nærmastu fáa tænastur frá heimatænastuni , gev tær fær um, at  teirra heim ikki bara er eitt vanligt heim, men eisini eitt arbeiðspláss hjá starvsfólkum, ið hava eina týdningarmikla kjarnuppgávu at røkja í hesum tíðum. Verjið tey,

16.03.2020

Orsaka av serligu umstøðunum, nú Coronavirus ger um seg, hava vit tørv á fleiri hjálpandi hondum at heita á, um á stendur. Okkum tørva sjúkrarøktarfrøðilesandi, læknalesandi, heilsuhjálparanæmingar, heilsurøktaranæmingar, fyrrverandi røktarstarvsfólk umframt fólk til reingerð og køk.

Hevur hetta tín áhugað, ert tú vælkomin at melda til á tpost beintad@rodin.fo ella rodin@rodin.fo

 

12.03.2020

Fyri at verja eldru borgararnar í Runavíkar-, Nes- og Sjóvar kommunu ímóti Corona smittuni eru hesi tiltøk sett í verk næstu tvær vikurnar:

  • Venjingarnar í Bylgjuni og í ítróttarhøllini á Skála avlýstar.
  • Dagtilboðini á Skála og á Eysturoyar røktar- og ellisheimi eru stongd
  • Heitt verður á avvarðandi hjá búfólkum á Vesturskin,
12.03.2020

Næstu tvær vikurnar er dagtilboðið á Skála og dagtilboðið á Eysturoyar røktar- og ellisheimi stongt.

Vegna tilmælini frá landsmynduleikunum verður somuleiðis heitt á avvarðandi hjá búfólkum á búðstovnum í Roðanum um, ikki at koma at vitja  næstu tvær vikurnar  – uttan heilt serligar umstøður.