Søkt verður eftir kommunalum demenssamskipara, til Demenstænastuna útiøkið hjá Roðanum, at byrja 1 oktober 2025 ella skjótast tilber.

Endamálið/kjarnuuppgávan hjá Roðanum, og málið fyri demenstænastuna er, við útgangsstøði í teimum kørmum og møguleikum sum eru, at tryggja eina málrættaða, samanhangandi og dygdargóða tænastu, sum tekur atlit til hin einstaka.

Umframt er ein fullfíggja demenstænasta sum:

·       styrkir um tvørfakliga samstarvið

·       styrkir um samstarvið internt og eksternt

·       skapar eina fleksibla eind

·       stuðlar nýggjari vitan, nýggjum metodum, gransking og tøkni

 

Demenstænastan í útiøkinum er ætlað heimabúgvandi borgarum, sum hava fingið staðfest demens ella hava kognitivar avbjóðingar. Endamálið er at stuðla teimum og familjum teirra til eitt gott lív við demens – bæði undir og eftir eina útgreining.

 

Starvsfólkið, ið verður sett, verður kontaktpersónur hjá borgarum og avvarðandi og fer at arbeiða tætt saman við demenssamskiparum hjá kommununum og landinum. Samstarv verður eisini við aðrar kontaktpersónar og fakbólkar í Roðanum fyri at tryggja eina samanhangandi og dygdargóða tænastu.

 

Roðin arbeiðir fyri at gera Nes,- Sjóvar,- og Runavíkar kommunu demensvinarligar. Okkara mál er, at borgarar við demens og teirra familjur fáa eina góða, samanhangandi og virðiliga umsorgan. Vit leggja dent á, at borgarar, sum ynskja tað, kunnu búgva heima sum longst – við røttum stuðli og vegleiðing.

 

Starvið fevnir eisini um at leiða borgaragongdir, so tryggjast kann ein heildarumsorgan – alt døgnið – við fokus á trivnaðin hjá borgaranum í egnum heimi.

 

Roðin bjóðar fram góð og fjølbroytt tilboð til borgarar við demens og arbeiðir áhaldandi við at menna tænasturnar.

 

Brennir tú fyri demensøkinum og fyri at skapa góð og virðilig kor fyri tey, ið eru rakt av demens, og teirra familjum, so er tað tær vit leita eftir.

 
Arbeiðið fevnir um 35 tímar viku, við møguleika fyri niðursettum tímatali.
 
 

 

 

Førleikakrøv

 

·       Úbúgving sum sjúkrarøktarfrøðingur. Um ongin sjúkrarøktarfrøðingur søkir starvið, kann heilsurøktari verða settur í staðin.

·       Áhuga og hegni at vera um menniskju, ið eru rakt av demenssjúku og teirra familjum

·       Megnar at samskifta á ein virðiligan hátt, bæði við tann demensrakta, avvarðandi og starvsfelagar

·       Hava yvirblikk og megna at hava “fleiri bóltar í luftini í senn”

·       Megnar at verða í ávísum flowi og broytingum

·       Megnar at arbeiða sjálvstøðugt

·       Hevur áhuga og førleikar til tvørfakligt samstarv.

·       Tekur ábyrgd av teimum familjun, ið tú verður kontaktpersónur hjá 

·       Sær møguleikar, framum forðingar                                                   

·       Hegni/royndir at ráðgeva starvsfólki, avvarðandi og øðrum í mun til Demens

·       KT-førleika á brúkarastøði. Vit nýta Cosmic til skjalfestan

·       Koyrikort til persónbil er neyðugt

·       Fyrimunur kann verða, at hava útbúgving, sum demenssamskipari

 

Vit kunnu bjóða tær

 

·       Eitt spennandi og mennandi starv

·       Góða innleiðslu og upplæring

·       Eitt fakliga sterkt og gott demenstoymi

·       Fakligar dugnaligar samstarvsfelagar

·       Góðan samstarvsandi

·       At gerast partur av toymi,sum gongur á odda at skipa og menna demenstænastuna í Roðanum

·       Góðar og mennandi arbeiðsumstøður

 
Meira fæst at vita
Meira fæst at vita um starvið við at venda sær til Unn Justinussen, eindarleiðara fyri Demenstænastuna hjá Roðanum, á tlf. 290213 ella við telduposti til unnj@rodin.fo

 

Løn-og setanartreytir

Setanarstaðið er Roðin økistænastan.

Løn og setanarviðurskifti verða sambært galdandi sáttmálar og KAF/Fíggjarmálaráðið.

 

Umsókn

Umsókn saman við prógvum, CV og møguligum viðmæli skal sendast við

Teldupost til rodin@rodin.fo.

 

Umsóknarfreistin er 24.08.2025. Vinarliga viðmerk “starvsfólk til Demenstænastuna “.

 

Lýsingin sæst eisini á heimasíðu okkarar: www.rodin.fo

 
 

Fyri at kunna liva upp til sjúkrarøktarfakligu krøvini, sum eru neyðug innan eldraøkið, setti  Roðin í 2019 tríggjar kliniskar sjúkrarøktarfrøðingar í starv á Eysturoyar røktar- og ellisheimi. Hesir stuðla, við teirra fakligu førleikum, undir, at tryggja sjúkrarøktina á heiminum – umframt at teir hava ein týðandi leiklut í ávirkanini á tænasturnar og gerandisdagin á heiminum. 

Á Eysturoyar røktar- og ellisheimi eru 65 búpláss umframt 5 samdøgursrehabilitering-/umlættingarpláss. Deildirnar eru tríggjar – tvær á 24 búpláss harav 4 eru samdøgursrehabilitering/umlætting og ein demendeild við 21 búplássum og 1 umlættingarplássi. Á deildunum starvast sjúkrarøktarfrøðingar, heilsurøktarar, heilsuhjálparar og hjálparfólk. Arbeiðið á deildunum er skipað við greiðum ábyrgdarbýti í mun til røktina.

Talan er um:

·        Eitt farloyvisstarv á brøk 0,8 fyri sjúkrarøktarfrøðing í barnsburðarfarloyviá. Arbeiðstíðirnar eru í dagtímunum gerandisdagar og í dagtímunum 3. hvørt vikuskifti. Arbeiðsdagarnir eru á 8 tímar. Møguleiki er at koma upp í brøki eftir nærri avtalu.

Arbeitt verður í toymi og uppgávurnar eru býttar javnt millum teir tríggjar sjúkrarøktarfrøðingarnar, soleiðis, at teir eru knýttir til hvør sína deild – í hesum føri er starvið í høvuðsheitum í Suðurstovu. Samstarvið er tætt og góð tíð er til fakliga sparring. Klinisku sjjúkrarøktarfrøðingarnir mynda sjálvir starvið og leggja sjálvir arbeiðið tilrætttis. Ábyrgdarøkið eru tær sjúkrarøktarfakligu uppgávurnar sum eru á heiminum við bæði kompleksum, torgreiddum, akuttum, somatiskum og sálarligum vanadamálsstøðum. Samstarvið er tvørfakligt við fleiri ymiskar fakbólkar bæði internt og eksternt. Serlig fakøki s.s. heilivág, kliniska vegleiðing og palliatión hava sjúkrarøktarfrøðingarnir um hendi.  

Vit kunnu bjóða góða innleiðslu, góðar umstøður, eitt gott arbeiðspláss, ein fakliga spennandi og mennandi gerandisdag og góðar møguleikar fyri førleikamenning.

Førleikakrøv:

·       Prógv og góðkenning sum sjúkrarøktarfrøðingur

 

·       Telduførleika á brúkarastøði 

Vit vænta at tú:

·       Hevur áhuga fyri eldri fólki og vil stuðla undir visión og kjarnuvirði Roðans, sum er at veita eina dygdargóða tænastu, har málið er at stimbra heilsu og trivna, fyribyrgja sjúku, endurmenna og/ella varðveita førleikar og at veita umsorgan og røkt – hetta í góðum samstarvi við brúkaran og avvarðandi hansara.

·       Hevur eina skipaða tilgongd til uppgávuloysn, arbeiðir sjalvstøðugt, samstarvar við starvsfólkini og letur øðrum fakbólkum hóskandi uppgávur í hendi.

·       Ert reflekterandi og kreativ/ur í tíni tilgongd til nýggjar uppgávur og at tær dámar væl avbjóðingar.

·       Hevur eina viðurkennandi tilgongd og ert áhuga/ur í at førleikamenna starvsfólkini bæði við sparring og undirvísing.

 

·       Dugur væl at málbera teg í skrift og talu.

Tað er ein fyrimunur, um tú hevur royndir innan eldrarøkt og/ella kliniska sjúkrarøkt - og tað kann vera ein fyrimunur, um tú hevur eftirútbúgving sum Demenssamskipari og Kliniskur vegleiðari.

Setanarviðurskifti
Farloyvisstarvið er frá 1. Okt. 2025 ella fyrr, til 31. Okt 2026, -  og lønt sambært sáttmála við KAF/fíggjarmálaráðið og Felagið Føroyskir Sjúkrarøktarfrøðingar.

Meira fæst at vita
Meira fæst at vita um starvið við at venda sær til Kristbjørg Petersen, deildarleiðara  tlf. 290205 ella telduposti kristbjorgp@rodin.fo

Umsókn
Umsókn saman við prógvum, góðkenning og upplýsingum um útbúgving og royndir verður at senda til rodin@rodin.fo. Viðmerkjast skal: ”kliniskur sjúkrarøktarfrøðingur”.
Umsóknarfreistin er 21. August 2025. Samrøður eru settar at vera 26. August 2025.

Roðin er javnbjóðis samstarv millum Runavíkar- Nes- og Sjóvar kommunu um heimatænastu og eldrarøkt v.m.

Kjarnuuppgáva Roðans er at veita eina dygdargóða tænastu, har málið er at stimbra heilsu og trivna, fyribyrgja sjúku, endurmenna og/ella varðveita førleikar og at veita umsorgan og røkt – hetta í góðum samstarvi við brúkaran og avvarðandi hansara.

Visiónin er støðugt at menna tænastuna og at ganga á odda, tá ræður um at veita teim, ið tørva, eina fjøltáttaða og dygdargóða tænastu.

·        At veita eina tænastu, sum tekur atlit til tørv, trivnað, fortreytir og sálvsavgerðarrætt hins einstaka og sum eisini ger tað gjørligt, at verða heima longst gjørligt.

·        At tænastan, ið vit veita, skal støðugt stuðla uppundir, at tað at búgva í Runavíkar-, Nes- og Sjóvar kommunu er framúr gott og trygt – eisini, tá ein gerst gamal og hevur tørv á ”hjálpandi hondum”